Dierbare Hemelse Vader,

Hier is ons aan die begin van ‘n splinternuwe jaar …

Ons dra hierdie jaar aan U alleen op!

Ons gedagtes  en ons pogings wy ons daaraan

om U goedheid voort te bring.

Dierbare Vader, U is ons krag, ons lewe, ons alles!

U is die liefde in ons hart

wat harmonie bring.

U is die Lig wat ons lei,

en in en deur ons werk en straal.

Dwarsdeur hierdie jaar sal ons onthou

dat ons in U lewe, beweeg en is.

Al ons planne en hoop en drome

sal ons aan U toevertrou,

wetende dat alle dinge in U

hul ware vervulling vind.

Dwarsdeur hierdie jaar sal ons bewus bly

van U liefdevolle teenwoordigheid.

Vrede en geluk sal ons bybly,

elke oomblik van hierdie hele jaar,

want ons weet dat U liefde ons omvou,

U lig ons lei,

en U krag ons versterk!

Amen