*DEUR* die kruis van Jesus

*DEUR* die kruis van Jesus

Hemelse Vader,

Ek wil U lóóf dat U gewillig was

om ú Seun na die wêreld te stuur

om hier aan ‘n kruis te sterf

sodat die prys van mý sonde

eens en vir altyd betaal kon word.

Báie dankie dat ek nooit ‘n tweede keer

vir my sonde hoef te betaal nie

omdat  Jesus dit rééds

in mý plek gedoen het.

Ek kan maar net na die kruis kyk

as ek *Ú* liefde vir mý wil sien ...

Help my asseblief om van nóú af

ook na álle ander mense

*DEUR*  die kruis van Jesus te kyk

sodat ek áltyd sal onthou dat U

élkeen van hulle presies nét so lief het

soos wat U vir mý het.

Maak my áltyd bereid om Ú liefde vir my

by die krúís van Jesus nóg beter te leer ken.

En maak my gewillig om

ánder mense te vergewe soos

U mý vergewe het.

Amen

Nina Smit : ‘n Lied van vreugde (Aangepas)

♡  Dierbre Jesus / Facebook ♡

♡†♡ Aan God drie-enig, alleen die eer! ♡†♡

(Die uitsendings van al my boodskappe, hang af van die stabiliteit van my internet konneksie.  Wanneer daar dus onderbrekings daarin is, sal daar ongelukkig ook geen boodskappe uitgestuur kan word nie.)

Boodskappe beskikbaar per epos – kontak my by:

poppieoosthuizen @ gmail.com