VOORWAARTS
Ek
span my in om by die wenstreep te kom sodat ek die hemelse prys kan behaal
waartoe God my geroep het in Christus Jesus.
- Filip. 3:14
Of dit nou ‘n klein
stroompie of ‘n malende watermassa is, alle riviere is op pad na dieselfde
bestemming – seewaarts!
Só is ook alle kinders van
die lig op pad na diéselfde bestemming – Godwaarts! Dis waarheen ons pad van Lig ons lei; en die doel wat ons voor oë het, is om Gods
koninkryk ons éie te maak.
Soos die stroompie nié
moedeloos raak daar waar hy tussen rotse en allerhande versperrings heen sy pad
moet vind nie, so sal ék ook nie moedeloos raak voor alllerhande versperrings
nie. Ek span álles in om by die
wenstreep te kom, sodat ek ook die hémelse prys waartoe God my geroep het in
Christus Jesus, kan vind – voorwaar die móéite werd om voor te veg. En in dié proses word ek deel van ‘n stroom
van godgerigte gedagtes van alle Ligmense dwarsoor die wêreld tot eer en
verheerliking van ons Skepper, Heer en Meester van ons elkeen se hart.
Gebed: Ek span my in om by die wenstreep te kom.
~
Uit Daelikse Woord ~
Koningsdogters
vir Jesus Bediening / Facebook
No comments:
Post a Comment