Jesus se Kaalvoetkind Bediening / Facebook
Tuesday, 15 March 2016
Gee en ontvang
GEE EN
ONTVANG
Soos
die Vader My liefhet, het Ek julle ook lief.
Julle moet in my liefde bly.
- Joh. 15:9
Die proses van gee en
ontvang mag soos twee afsonderlike aktiwieite lyk wat niks met mekaar te doen
het nie. Die waarheid is egter dat albei
nodig en belangrik is in die deel en verspreiding van Gods seëninge.
Ons mag byvoorbeeld baie
graag gee, maar ongemaklik voel wanneer andere weer aan ons iets wil gee. As dit die geval is, moet ons net onthou om
te kan gee, daar altyd iemand moet wees wat ontvang.
Aan die ander kant mag dit
vir ons baie moeilik wees om te gee. Dan
moet ons net oppas dat ons nie versmoor word onder allerhande rommel nie. Ons mag selfs traag wees om ons liefde
teenoor andere te betoon, totdat die vloei daarvan uiteindelik totaal geblok
is.
As ons die goeie wat ons
ontvang egter teruggee aan die wêreld, sal al hoe meer seëninge ons lewens
binnevloei en uitvloei.
Met ‘n dankbare hart en oop
gemoed gee en ontvang ons in oorvloed.
Gebed: Ek gee met liefde en ontvang met dank.
~ Uit Daelikse Woord ~
♡ Koningsdogters
vir Jesus / Facebook ♡
♡†♡ Aan God
drie-enig, alleen die eer! ♡†♡
(Die
uitsendings van al my boodskappe, hang af van die stabiliteit van my internet
konneksie. Wanneer daar dus
onderbrekings daarin is, sal daar ongelukkig ook geen boodskappe uitgestuur kan
word nie.)
Boodskappe beskikbaar per
epos – kontak my by:
poppieoosthuizen @
gmail.com
Sunday, 13 March 2016
Saturday, 12 March 2016
TROOS
TROOS
Hy
verkwik my siel. - Psalm 23:3
Niémand kan tussen my en my
Heer en Sy grote liefde kom staan nie.
Daar mag baie dinge in die lewe wees wat ek nie so mooi verstaan nie,
maar één ding verstaan ek baie goed, en dit is dat ek áltyd omvou word in die
liefde van Christus, dat Hy altyd daar is om my te léí en te vertróós. As één deur in my lewe toegaan, gaan ‘n ander
een oop waardeur nuwe lig en vrede my hart en lewe binne-vloei.
Ek onthou die woorde van
Jesus, en rus in die vrede wat dit my bring: “Laat julle harte nie ontsteld
wees nie. Kyk, Ek is met julle al die
dae.”
Dis Hý en ek, elke dag sý
aan sý in my lewe. Al gaan ek ook deur dónker
dieptes, Hy is bý my – na waters waar rus is, lei Hý my stadig maar séker
heen. Net dié wete dat ek nóóít alleen
is nie, dat Hy te álle tye en onder álle omstandighede bý my is, vul my met núwe
moed en krag!
Die vrede wat ek in my stil
tye by Hóm vind, verkwik my siel. My
liggaam en gemoed is kálm en rústig, en híérdie kalmte en rus verlaat my níé in
my tye van nood nie.
Gebed: My Heer verkwik my siel!
~
Uit Daelikse Woord ~
♡ Trane in God
se Fles / Facebook ♡
♡†♡ Aan God
drie-enig, alleen die eer! ♡†♡
(Die
uitsendings van al my boodskappe, hang af van die stabiliteit van my internet
konneksie. Wanneer daar dus
onderbrekings daarin is, sal daar ongelukkig ook geen boodskappe uitgestuur kan
word nie.)
Boodskappe beskikbaar per
epos – kontak my by:
poppieoosthuizen @
gmail.com
Subscribe to:
Posts (Atom)