Hoé *wónderlik* om bly te kan wees!

Hoé *wónderlik* om bly te kan wees!

Ons word al meer verander om aan die beeld van Christus gelyk te word.  Die heerlikheid wat ons uitstraal, neem steeds toe. -  2 Kor. 3:18

Die woorde: *“Ek is vrolik en bly”*, is ‘n wonderlike manier om mens self op te hef en ‘n diep siele-blydskap in jouself te laat oorneem.  Ek is vrólik en bly, want ek ontvang dit uit die Brón van vreugde diép in my wese.  Die Here is heerlikheid vúl my liggaam en siel en seën my.

Soos ‘n fóntein van léwende water is die Brón van vreugde en liefde wat in my diépste wese ontspring, en die tintelende blýdskap wat ek weerkaats, is tot seën van álmal se lewens met wie ek te doen mag kry.  Hiérdie Blýdskap is ‘n eienskap van my siel, áltyd daar om my stérk te maak en te hernú, om my áán te moedig en te óndersteun.

Vrólikheid is stimulerend, dit stimuleer mý en *álmal* om my na liggaam én siel.  Ek voel jónk, gesónd en léwenskragtig en sien vir álles kans.  Álles in my lewe verloop seepglád en daar is vréde in my wêreld.

Ek is vrólik en blý, en weerspieël die heerlikheid van die Hére!  My héle lewe is een gróót plesier, en die vrólike gelag wat uit my hárt weerklink, is só aansteeklik dat ander sáám met my begin lag! 

Dínk net as ons *álmal* hiérdie vreugde-fontein waarmee Jesus ons aanraak, déél met mekaar – watter wónderlike plek sal die wêreld en sý mense net nie wees nie!  En  *hóé*  bly sal Koning Jésus net nie wees nie, want het Hý dan nie gesê dat ons in  *ALLES*  moet bly wees nie!

Gebed:  Dánkie liefdevolle Jésus vir nog ‘n daggie wat Ú aan mý lewe gelas het en dat ek vrólik en blý kan wees in álles wat my lewe aangaan.  Baie dankie vir hierdie kósbare gawes.

~ Uit Daelikse Woord Aangepas ~

♡  Konings dogters vir Jesus / Facebook ♡

♡†♡ Aan God drie-enig, alleen die eer! ♡†♡

(Die uitsendings van al my boodskappe, hang af van die stabiliteit van my internet konneksie.  Wanneer daar dus onderbrekings daarin is, sal daar ongelukkig ook geen boodskappe uitgestuur kan word nie.)

Boodskappe beskikbaar per epos – kontak my by:

poppieoosthuizen @ gmail.com