WEES 'N STER

 

WEES  'N  STER

deur Martha Smock

Elke keer as daar 'n kindjie gebore word, is dit so asof hy net die tyd afgewag het om op die verhoog te verskyn, om 'n ster te wees en sy rol te speel in die spel wat die lewe genoem word.

Het jy al jóú plek op die verhoog gevind, is jy al 'n ster of wag jy nog jou beurt af?  Toe  JESUS in die wêreld gekom het, is daar 'n Ster gebore.  JESUS het Sy rol geken, maar miskien weet jy nog nie wat jou rol is nie, miskien soek jy nog jou plek, betekenis en doel in die lewe ...

Wat is 'n ster?  Dit is 'n lig-gewer.  Om jou rol op die verhoog van die lewe te speel, moet jy 'n liggewer wees.  Nie almal kan 'n ster in 'n toneelstuk wees nie, maar ons kan almal 'n ster in ons eie omgewing wees, ons kan almal lig-gewers wees.

Jy sê miskien: "Ek is onbelangrik, eintlik niks om oor huistoe te skryf nie en boonop sonder enige noemenswaardige talente", maar dit verhoed jou nóg nie om 'n ster in jou éie kringetjie te wees nie en jy kan 'n ster in iemand ánders se hemelruim wees, deur jou lig van geloof ómhoog te hou.

Dalk voel jy dat jou lig nader aan 'n kers is as 'n ster, maar dis ook waar dat die gróótste duisternis in die wêreld nie die kléinste kersie se liggie kan doof nie.  Dis ook waar dat één klein kersie báie ander kerse aan die brand kan steek sonder om self dood te gaan.

Laat *jóú* liggie dus helder skyn vir JESUS of dit nou gloei soos 'n helder ster of soos die klein vlammetjie van 'n kersie.  Élke lig-gewertjie is *só* belangrik vir JESUS, want óral is daar mensies wat ons liggies nódig het om húlle pad te verlig, op pad na die Hemelhuis.

Geplaas deur:  Kersfees Elke Dag / Facebook ♡

♡†♡ Aan God die drie-enige, alleen die eer! ♡†♡

 

JESUS IS DIE SONSKYN IN MY SIEL

 

☀ JESUS  IS  DIE  SÓNSKYN  IN  MY  SIEL ☀

deur Daelikse Woord

Want die Here GOD is 'n son en skild.  -  Ps. 84:12 (1933 Bybel)

Daar is sónskyn in my siel vandag. Helder, skitterende sonskyn. Jésus is daardie sonskyn. Hy vul my hart met Sý lig, liefde en vreugde.

Die helder strale bring 'n warm gloed in my siel, want Jésus is my lig en my heil. Met veerligte voetstappe volg ek in Sý voetspore.

Daar is sónskyn, wónderbare sónskyn, in elke vredevolle, gelukkige oomblik op my lewenspad. Die líéfde van my Heer is *áltyd* gereed om my te lei en te help.

Ek *síén* die Christus in élke gesig, en hóór Hom in élkeen wat praat. As ek met die *oë* van Christus kyk, síén ek Hom glimlag in die gesigte van my medemens. Wanneer ek iemand sien in pyn - síén ek Hom aan die kruis vasgenael. Wanneer ek 'n kindjie spontaan sien en hoor lag - síén ek Hom elke keer wanneer iemand sy/haar hárt aan Hom oorgee. Wanneer ek haatspraak uit iemand se mond hoor - síén ek Hom langs die kruis van die man wat vir éwig verlore is, en mótiveer dit my om siele te wen vir Sy koninkryk.

Daar is blýdskap, hóóp, líéfde en lóf in my siel vandag. En die seëninge van vándag, verhelder al die dae wat nog kom!

Gebed:  Dánkie, kosbare Hemelse Vader, dat Ú sonskyn vandag ook in my siel skyn. Skyn ook vandag in élke siel wat nog donker is en veránder dit in Ú sonskyn van hóóp, líg en líéfde en maak hulle *Ú* kinders van *hóóp*, sodat U són ook deur hulle kan skyn vir hulle medemens en nóg siele vir U koninkryk sal werf. Dankie dierbare Jesus. Amen.

Geplaas deur:  Koningsdogters- en Seuns vir JESUS / Facebook ♡

♡†♡ Aan God die drie-enige, alleen die eer! ♡†♡

 

GOD HET ALLES GEMAAK

 

GOD HET ALLES GEMAAK

deur Nina Smit

Die see is Syne, Hy het dit gemaak, sy hande het die land gevorm.  Kom ons val in eerbetoon voor Hom neer ... kom ons kniel voor die  HERE  ons  SKEPPER!   -  Ps. 95:5-6

God het álles gemaak:  die wêreld waarin jy woon, die sterrehemel, die mense en diere en plante en blomme.  Dié God wat jy aanbid is die Skeppergod.  Ook onderhou Hy sy skepping élke dag.

Om maar één voorbeeld te noem: ons sterrestelsel beweeg teen die ongelooflike spoed van meer as 780.000 km per uur.  Selfs teen hierdie geweldig snelheid neem dit ons sterrestelsel 200 miljoen jaar om één omwenteling te voltooi.  En daar is meer as 'n biljoen sterrestelsels soos ons s'n wat almal met 'n verstommende orde en doeltreffendheid funksioneer. Tog ken God elke stêr by sy naam.  Hóé verstommend  GROOT  is híérdie  GOD wat  DIT  alles gemaak het!

Here, ek loof U vir die wêreld wat U so wonderlik gemaak het.  Dankie dat U, wat só groot en heerlik is, mý ken en liefhet nog lank voordat ek gebôre is!

God het die aarde uit LIEFDE geskep en vir die mens 'n SPESIALE plek daarop gegee.

Koningsdogters- en Seuns vir Jesus / Facebook

GOD HET MY LIEF

 

GOD  HET  MY  LIEF!

Omdat jy vir My kosbaar is, omdat Ek jou hoog ag en liefhet ... Moenie bang wees nie,  Ek is by jou.  -  Jes. 43:4-5

Wat 'n héérlike gedagte!  GÓD het my lief - nét soos ek is, net hier waar ek nóú is!  In my lewe was ek al op baie verskillende plekke, en het ek al baie dinge ervaar.  Nuwe ervarings sal my nog verder neem op my lewenspad.  Maar ek stres níé daaroor óf is bang daarvoor nie, want ek wéét *dít* wat ek nou ervaar stem ooreen met die geestelike vlak waar ek is, as kind van GOD.  Hóé *náder* ek aan Hom beweeg, hoe *méér* sien Hy na my om op élke gebied van my lewe.

Met HÓM aan my sy is ek ÁLTYD op die régte plek, 'n plek wat ek met familie, vriende en kollegas deel, 'n plek wat bydra tot my verdere geestelike groei.  Die kamer, woonstel of huis waarin ek woon, is vir my 'n áángename tuiste, omdat ek dit deel met  GOD wat in die begin van my lewe, toe ek gebôre is vir my gesê het: "EK en jy!"

HY  kyk na my deur Sy oë van Liefde, en vou my in Sy Ewige Liefde toe.  Hy fluister sag vir my dat hy tróts is op my, Sy kind, en ek kruip vertrouend onder Sy vlerke van beskerming in.

Gebed:  Dankie Vader God dat U my altyd lei deur u Gees na die regte plekke wat U vir my uitgekies het en my veilig hou in U arms.  Amen

~ Uit Daelikse Woord ~

Koningsdogters- en Seuns vir Jesus / Facebook