Harmonie

HARMONIE

Bo dit alles moet julle mekaar liefhê.  Dit is die band wat julle in volmaakte eenheid saambind.  -  Kol. 3:14

Jesus het in harmonie met allerhande soorte mense saamgeleef.   Hy het miskien nie altyd met diegene om Hom saamgestem nie, maar Hy het elkeen deur die oë van liefde gesien.

Kan ék ook met iemand anders verskil sonder om beledigend te wees?   Natuurlik kan ek!  In enige verskil van opinie wat daar mag opduik tussen my en my familie, ‘n vriend, medewerker of buurman, kán ek kalm bly.

En dit doen ek deur Christus wat in my woon.  In Sy liefde is ek taktvol, vriendelik en liefdevol.  Ek kyk met respek na andere se idees, en besef dat elke mens die reg het om sy eie opinie omtrent ‘n saak te hê.

Van Christus tot Christus kommunikeer ek met my medemens.  Die Christus in my raak die Christus in hulle aan, en sonder dat hulle dit eintlik weet, reageer hulle op die liefde waarmee ek hulle benader.

Ek kyk met die oë van liefde na my medemens, en harmonie heers in my lewe.

Gebed:  Ek kyk na andere met oë van liefde.

~ Uit Daelikse Woord ~

HARMONIE

Bo dit alle moet julle mekaar liefhê.  Dit is die band wat julle tot volmaakte eenheid saambind.  -  Kol. 3:14

Harmonie bring die goeie en die mooie na vore.  ‘n Soeke na harmonie bring Gods orde in moeilike en ongelukkige menseverhoudings of uitdagings na vore.

Met liefde in my hart, is ek in harmonie met alles en almal om my, en straal ek vrede en vreugde uit sover ek gaan.

Harmonie is altyd beskikbaar, en wanneer ek ‘n beroep daarop doen om onaangename situasie binne te vloei, sal dit.  Ek bevestig orde en harmonie vir alles en almal wat my lewe raak.

Ook in my eie lewe streef ek na harmonie en vrede.  Ek sonder gereeld tyd af om my diepste heiligdom binne te gaan in gebed, die plek waar ek gevul word met ál die liefde, lig en genade wat ek nodig mag hê gedurende elke dag van my lewe.  My gedagtes word omskep in lig-gedagtes, en ek weet dat dít wat met my gebeur, afhang van dit wat ek dink.

Harmonie en vrede heers in my gemoed!

Gebed:  Harmonie en vrede heers in my gemoed.

~ Uit Daelikse Woord ~

HARMONIE

Alle dinge is moontlik vir die een wat glo.  –  Mark. 9:23  OV

Daar is seker nie een van ons wat nog nie agtergekom het dat almal en alles om ons onaangenaam en sommer deurmekaar raak wanneer ons diep ontsteld is oor iets nie.  Gelukkig is die teenoorgestelde ook waar!

As ons kalm en rustig is, tevrede met onsself en die wêreld om ons, raak alles en almal om ons ook rustig en tevrede, maar is dit enigsins moontlik om die twee bymekaar te bring?  Is dit moontlik vir ons om kalm en rustig te bly, ongeag die vreesaanjaende nuusberigte, die tweestryd en dreigende oorloë tussen verskillende groepe en volkere, kan ons nog kalm en rustig bly?  Uit ons eie sal ons dit nooit regkry nie, maar vir die een wat glo, is alle dinge moontlik.  Met God, kan alles!

Ons glo!  O Heer, ons glo!  Ons glo in U liefde in ons harte – ons glo dat ons hierdie liefde ons eie kan maak en dit kan uitleef teenoor ons naaste.  Ons glo in ons vermoë om dinge in ons eie lewens en in die wêreld om ons te verander, solank ons saam bid en vas staan in U lig, U liefde en krag.

Gebed:  Ek glo Heer, en ek kan!

~ Uit Daelikse Woord ~

HARMONIE

“As twee van julle op aarde oor enige saak saamstem en daaroor bid, sal my Vader wat in die hemel is, hulle dit laat kry.” – Matt. 18:19

As ek stil word en my Heer nader in gebed, kom my hele wese in harmonie met die orde en ritme van Gods lewe en krag.  Hierdie orde en harmonie wat in my heers, werk ook deur my en om my, en my dag verloop volgens ‘n volmaakte patroon, wat veroorsaak dat ek op die regte tyd op die regte plek sal wees, besig om die regte ding te doen.

Ek leef in ‘n omgewing waar orde en harmonie heers.  Ek is in harmonie met elkeen wat ek mag teëkom.  Na gees, siel en liggaam is ek een ordelike volmaakte mens.  Liefde en harmonie voer die botoon in my lewe, en die wysheid en goeie oordeel wat ek aan die dag lê, maak my lewe vol en ryk.

Elke dag maak ek tyd om stil te word in gebed. Ek ontspan en harmonie en orde neem oor in my en om my.  Alles werk ten goede mee want ek is in harmonie met die werkinge van God wat ordelik in en deur alles en almal werk.

Gebed:  Ek is in harmonie met die werkinge van God.

~ Uit Daelikse Woord ~