VRIENDSKAP

 

VRIENDELIK

As broers moet julle mekaar altyd liefhê.  Moenie nalaat om gasvry te wees nie, want deur gasvry te wees, het sommige mense sonder dat hulle dit geweet het, engele as gaste gehuisves.  -  Hebr. 12:1-2

Élke dag is 'n núwe dag met nuwe érvaringe, en kom ek in aanraking met verskillende mense.  Sommiges mag aangenaam en vriendelik wees, terwyl ánder weer nors en kortaf mag wees.  Áfgesien van hoe ándere vandag met my gaan wees, besluit ek nou en hier om in die *líéfde* van Christus ín my hart, áltyd vriendelik, gasvry én hoflik te wees - die Christus in mý gaan hulde bring aan die Christus in húlle, en ál die liefde wat só vrygelaat word, gaan harmonie skep óm ons.

Van Christus tot Christus gaan ons vandag sáámleef.  Ons gaan élke oomblik omskep in 'n móói oomblik, ons gaan híérdie dag omskep in 'n mooi, áángename dag, en Christus se lig helderder in en deur ons laat skyn.

Ek gaan my daarop toelê om vándag, môre en ál die môres daarna, met 'n lied in my hart élkeen wat my pad mag kruis, vríéndelik, hóflik, spóntaan en gásvry, te behandel.  Hóé heerlik sal ons saamwees nie dan wees nie!  En hoe móói sal ons dag met Christus se Liefde ingekleur wees!!

Gebed:  Dánkie, Heer, dat ek vandag in *Ú* liefde, 'n ómgee-mens kan wees vir ander.  Amen.

~ Uit Daelikse Woord ~

Koningsdogters- en Seuns vir Jesus / Facebook

 

Dankie kosbare Hemelse Vader

Dankie kosbare Hemelse Vader,

vir die groot genadegawe om

in vryheid tot U te kan bid.

Gaan asseblief met Christene

in vervolgde lande.

Beskerm en bewaar hulle

deur U engele laer.

Maak hulle en hul volgelinge

onsigbaar vir die Bose.

En gee, Vader, dat wonderwerke

sal gebeur deur U Vaderhand,

sodat mense van hierdie Bose Magte

ook almal hulle hart aan U sal gee en

hul tot U sal bekeer.

In Jesus Naam.

Amen

 

Jesus se Seunskind / Facebook

Ons wil sing en dans van vreugde

Ons wil sing en dans van vreugde,
U het weer ons oë kom oopmaak
met U liefdevolle Vaderhand -
elke oggend kom doen U
hierdie wonderwerk op aarde -
ons dank en loof U daarvoor!
Sag het *U* u asem kom inblaas
in ons longe ...
vir ons sag kom fluister:
"Kom, my kind daar's werk vir jou,
soveel siele is nog daarbuite wat
nie weet hoe om kind van my te word. -
wys hulle die pad, soos ander ook
vir jou gehelp het. Doen dit vandag!
Doen dit dringend, want Ek kom gou!!"

Jesus se Dogterkind / Facebook

LEIDING

 

LEIDING

U, Here, laat my lamp helder skyn;  my God gee lig as dit donker is om my.  -  Ps. 18:29

In 'n stikdonker nag, wys die liggie op 'n kompas vir my watter kant Noord is, en lei my só op die regte pad.

As ék belangrike besluite moet neem, en nie presies weet wát om te doen nie, laat ek nie toe dat énige duisternis my oorval nie.  GÓD is die kompas in my hart, en Sý lig lei my op die regte pad!

En wanneer alles om my werklik nágdonker word, as ek voel ek word tótaal oorval deur al die eise en uitdagings van die lewe, dan weet ek nog *stééds* wáár ek hulp moet soek.  Ek word net stil, en die Liggie op die kompas in my hart, sal lig bring in my gedagtes, en met lig in my gedagtes sal ek gelei word met lig-gedagtes, deur GOD geïnspireer, op die regte weg vir my.

Met my gedagtes rustig en stil in die lig van my lamp wat helder skyn, met die leidende lig van die kompas in my hart - vir *wíé* sal ek dan nog bang wees?  Selfs wanneer dit donkernag-donker is om my, is daardie  LÍG nog steeds daar om my te lei en te rig, en ek weet, *dít* wat ek doen, is reg en dit is goed - vir my *én* vir my medemens.

Gebed:  Dankie  Ewige Nagigator, dat *Ú* my lamp  al hoe helderder laat skyn.  Amen.

~ Uit Daelikse Woord ~

Koningsdogters- en Seuns vir Jesus / Facebook

 

Hoe val jy as jy die slag ver val?

 

Hoe val jy as jy die slag ver val?

deur Stephan Joubert

.

Sukses, voorspoed, oorwinning… dis taal wat ons almal ken. In die skool het ons geleer dat kinders met A-simbole die wenners is. En dat diegene wat vir die eerstespan speel die “koel” ouens is. Wenners staan altyd voor; verloorders staan agter. Dit min of meer is die goue reël van die lewe. Die lewe het ons nie eintlik voorberei vir mislukking nie. Tog is dit ook ‘n deel van die lewe. Almal misluk, faal, struikel en maak soms droog. Iewers beland ons met ons gesigte in die modder. Middelmatigheid, teenstand en verlore kanse is soms ons bondgenoot.

Dikwels spel groot mislukkings vir baie mense die einde van hulle reis uit. Dan gee hulle boedel op; dan stort alles in duie. Wel, dis gewoon nie waar nie. Op die ou end hang alles af hoe ons ons mislukkings hanteer. Soos wat ‘n wyse gesê het: “Die lewe is ‘n stel trappe. Jy het die keuse of jy boontoe wil klim of ondertoe.”

Wag, miskien loop ek die pad te ver vooruit. Dalk moet ons net eers vir mekaar sê wat is sukses. Wel, binne geloofsterme is sukses wanneer ons volspoed op God se pad loop. Sukses is wanneer ons met groot oortuiging kan sê: “Vir my is die lewe Christus! (Filippense 1:21)” Mislukking; wat is dit? Dit is wanneer ons die pad byster raak; verdwaal; koers verloor; droogmaak; faal! Hoe gemaak as ons met name die pad van godsdienstige mislukking bewandel? Hoe gemaak as ons net al hoe skuldiger voel oor al ons geestelike “flops”? Nou ja, dit hang alles af hoe ons dit beskou. Meer korrek gesê: Dit hang af hoe God ons mislukkings beskou! In ‘n neutedop: God spesialiseer graag in oorbegin en in voorbegin. Hy hurk graag langs mense wat geval het. Sondaars en menslike mislukkings is definitief nie op sy afskryf-lys nie. So vertel Dawid in Psalm 37:24. Nooit laat die Here sy mense in modder lê nie. Hy tel hulle elke keer op. Hy loop verder saam wanneer hulle Hom in Christus se Naam om genade smeek. Dis hoe God is. Hou daarom op om so ver te val. Of om in die modder rond te lê. Land ‘n slag in God se sterk arms. Hy verander jou mislukking in nog ’n opstaan-sukses!

Jongman Vuurwarm vir JESUS / Facebook