Lewe tot eer van God

Lewe tot eer van God

Ons het gelag en gesing.  Onder die nasies het hulle gesê:  “Die Here het groot dinge aan hierdie mense gedoen.  Die Here hét groot dinge aan ons gedoen;  ons was bly.”  -  Psalm 126:2-3

Here,

U weë is inderdaad hoër as myne.

Met my menslike verstand

kan ek nie verstaan waarom U

sekere dinge toelaat om met my te gebeur nie.

Tog leer U my dat U ook

hierdie onverstaanbare dinge

tot u eer kan gebruik.

Here, gee dat hierdie swaarkry

dit moontlik sal maak

dat u groot krag in

my lewe geopenbaar sal word.

Help my om ook hierdie

moeilike omstandighede, wat my

vandag so magteloos en moedeloos laat,

so te verwerk en uit te werk,

dat ander mense na my sal kan kyk

en sien dat ek anders is en anders optree,

dat ek selfs in my swaarkry na U

kan kyk en van blydskap straal

omdat ek U ken en liefhet

en seker weet:  U sal my nooit

teleurstel in my verwagting nie.

Amen

Nina Smit : Veilig in God se hand