Hemelse Vader,

Aan die begin van hierdie nuwe maand wil ek U loof

vir U goedheid.

Dankie dat ek in U kan glo,

dat U my liefhet en elke dag vir my sorg.

Ek wil dankie sê dat ek ‘n vrou is,

en dat daar 31 splinternuwe dae op my wag waarin ek

die lewe kan geniet saam met die mense wat ek liefhet.

Bewaar my van selfsugtigheid

sodat ek nie net met my eie dinge besig sal wees nie,

maar ook die nood van ander sal raaksien.

Gee vir my ‘n fyn aanvoeling

vir dié mense wat my nodig sal hê.

En, Here, as daar dalk in hierdie maand vir my swaarkrydae

voorlê, dankie dat ek kan weet:

U is by my, U sal my daardeur lei en vashou.

Gee vir my die krag om die elkedagse pligte

van vrouwees

uit te voer asof ek dit vir U doen,

sodat ek in hiérdie nuwe maand

elke nuwe dag met vreugde kan tegemoetgaan.

AMEN