WÊRELDVREDE

WÊRELDVREDE

God, ons God, het ons geseën.  -  Ps. 67:7

Hoe kan ek tot seën wees vir hierdie die wêreld?

Ek kán 'n prentjie in my gedagtes skep, waarin *álle* mense dwarsdeur die wêreld in vréde en hármonie met mekaar saamleef.  Ek skep die prentjie helder en duidelik, en plaas dit bo-óór  alle negatiewe berigte wat dit mag benadeel.

Ek "síén" hoe mense mekaar weer vertrou en in líéfde saam leef en werk, en só groot dinge tot seën van die hele mensdom tot stand bring.

Ek "síén" hoe die mense hul úíterste bes doen om die stukkende wêreld weer heel te maak en te red, en die dinge wat rééds verwoes is, weer óp te bou.  Ek "síén" 'n núwe wêreld, waarin die natuur nie nét oorleef nie, maar ook blóm in 'n wónderskone tuin wat die héle wêreld versier.

Hierdie visioen van my is nie nét 'n droom nie - miskien wel op *híérdie* stadium - maar dit *kán* 'n werklikheid word as élkeen van ons ópreg uit die díépte van ons harte tot GOD bid en Hom in beheer plaas van híérdie wêreld waarin ons nou tydelik kan woon, deur gehóórsaam te wees aan HÓM, ons sóndes te laat staan en weer terúg te keer na Hom!

Hier waar ek woon, doen ek nederig  mý deel  en ek wéét en gló dat vredeblommetjies weer sal begin blom.

Gebed:  Ek bid en help só om 'n wêreld van vrede en liefde te skep.  Amen.

~ Uit Daelikse Woord ~

Koningsdogters- en Seuns vir Jesus / Facebook

VOLG MY

VOLG  MY

"As iemand My wil dien, moet hy  MY  volg;  en waar  EK is, daar sal my dienaar ook wees.  As iemand  My  dien,  sal die  VADER  hom eer."  -  Joh. 12:26

Ek volg  CHRISTUS  op die weg van vergifnis.  Daar is niemand en niks, óók nie myself nie,  wat ek in my gedagtes *níé* vergewe het nie.  Ek vergéwe en wórd vergewe.  Ek volg  CHRISTUS  op die weg van vergifnis en ÁLLE duisternis in my lewe verdwyn.

Ek volg  CHRISTUS  op die weg van liefde - liefde wat nie foutvinderig is nie, maar *nét* vríéndelikheid en wármte uitstraal na ander toe.  Ek volg  CHRISTUS  op die weg van liefde en *líéfde* verander my  HELE  lewe.

Ek volg  CHRISTUS  op die weg van begrip.  CHRISTUS  *ín* my gee my geestelike insig deur Sy Heilige Gees.  Ek kyk deur dit wat "skyn" te wees - en sien net *dít* wat móói en goed is in die harte van ánder.  Vriendelike woorde én dade is my EERSTE  reaksie op alle moeilike omstandighede.

Ek volg   CHRISTUS  op die pad van VERGIFNIS,  LIEFDE  en BEGRIP, en  NUWE  lewensvreugde vul my siel.

Gebed:  Ek volg  CHRISTUS op weg van vergifnis en liefde en  SY kleed van LIEFDE omvou my! Dankie Jesus dat *Ú* troue sorg my *nóóit* verlaat nie.  Amen

~ Uit Daelikse Woord ~

Koningsdogters- en Seuns vir Jesus / Facebook

OM VIR GOD TE SOEK

 

OM  VIR  GOD  TE  SOEK

Julle sal My soek en vind.  -  Jer. 29:13 (OV)

Vandag is 'n ontdekkingstog - ek gaan vir GOD soek!

Om God te soek en Sy seëninge te geniet, beteken nie dat ek die hele dag op my knieë moet deurbring nie.  Ek wandel in SY lig, en HY wandel saam met my, en so ver ons so saam wandel, sien ek met ander oë die mooie en die goeie om my raak.

Ek sien die wónder van SÝ liefde in die oë van my geliefdes en sélfs my troeteldiere.  In die blomme en die bome om my - in *ÁLLES* wat hierdie wêreld saam met my bewoon, ontdek ek SÝ  stralende lig en liefde en lewenskrag.

Ook SY skoonheid weerspieël in 'n ásemrowende mooi sonsondergang en gaan nie ongesiens by my verby nie.  In die ságte briesie voel ek SY tére aanraking.  Ek ruik Sy wóndersoete aroma aan die blomme wanneer ek loop deur die veld.  In die geluide van die seevoëls hoor ek SÝ stem en in die  geluid van die branders wat heen-en-weer rol.

Voor die gedreun en gerammel van 'n donderstorm, staan ek stil en eerbieding voor die gróótsheid van Sy KRÁG en ÁLMAG, en wánneer die nag sy donker-fluweel kleed oor die aarde vou, sê ek dánkie vir SÝ orde wat heers oor alles heen, weerspieël in die maan én die sterre wat die hémelruim versier.

Gebed:  Vandag het ek vir U gesoek Dierbare Heer en ek het U gevind in *ÁLLES* wat mooi en goed is om my.  Dánkie, Abba Vader, dat U toegelaat het dat ek *Ú* vind.  Amen

~ Uit Daelikse Woord ~

Koningsdogters- en Seuns vir Jesus / Facebook

 

EK IS

 

EK  IS

Christus is in julle,  Hy is julle hoop op die heerlikheid.  -  Kol.  1:27

Geliefde, wees stil en weet Ek is die Christus wat opgestaan het in die krip van jou hart – in die kern van jou wese.

Wees dit wat Ek is in die kern van jou wese, en jou liefde sal uitblom, jou lig sal skitterblink, jou krag sal oorneem en jou omskep in dít wat Ek is in die kern van jou wese.

Die geheim van hoe om hierdie grootse waarheid jou eie te maak en uit te leef, lê in jou stil tyd saam met My,  *elke dag*.   Wees net stil saam met My  -  *elke dag*  - en jy sal word wat Ek is in die kern van jou wese.   Jy sal Lig wees, en Liefde, ‘n ware opregte Ligwese.

Dis nie so moeilik nie – vat net My hand vroeg in die oggend en laat in die aand, en stil, sonder basuingeskal, sal jy stadig maar seker al hoe meer word dit wat Ek is in die kern van jou wese.

Dankie, dankie, dierbare Heer van my hart.  Ek sal doen wat U sê, en saam met U leef vanuit die kern van my wese, en doen en wees wat U verlang!

Gebed:  Hóé groot die wonder!  Christus leef in my hart!

~ Uit Daelikse Woord ~  

Koningsdogters- en Seuns vir Jesus / Facebook