Tuesday 18 October 2016

Die gat in jou hart








DIE  GAT  IN  JOU  HART


U is vir my ‘n skuilplek, U beskerm my teen aanvalle, U laat my oorwinningsliedere sing.  – PS. 32:7


My kind,


Jongmense raak so vinnig aan iets verslaaf. Dan kan hulle nie meer normaal aangaan sonder daardie ding nie. Dit kan drank, koeldrank, sigarette, dwelmmiddels, omtrent enigiets wees. Dit hou ‘n mens se gedagtes so besig om daardie ding in die hande te kry. Jou hele lewe draai naderhand om die gesoek daarna. Maar niks vul daardie gat in jou hart nie!
Mense vertel uit ondervinding dat niemand kan sê hy of sy het beheer oor ‘n dwelm nie. Dis sommer ‘n dom argument om jouself te troos om dit weer te neem. Neem dit, en die dwelm kry beheer oor jou. In baie gevalle kan die gebruik van so ‘n middel jou persoonlikheid verander en jou gemoed deurmekaarkrap. Dié dinge wat nou na vore kom, sou nie daar wees as jy die middels uitgelos het nie. Nou is jy nie net verslaaf nie, jy sukkel nog met jouself ook!
Ek, jou hemelse Pa, wil en kan jou vrymaak dat jy nie meer hierdie middels nodig het nie. Hoe? Ek werk deur medikasie en bekwame mediese personeel. Hulle help dat jy weer skoon kom en ‘n nuwe lewenstyl aanleer. Jy kan weer die gat in jou hart vol maak – met liefde en aanvaarding.


~ Briewe van God ~


Jesus se Dogterkind Bediening / Facebook



My Boesemvriend





MY  BOESEMVRIEND


Christus is in julle, Hy is julle hoop op die heerlikheid.  -  Kol. 1:27


Christus in ons?  Hoe héérlik hierdie grote werklikheid! Wel, as Hý dan *ín* my is, is Hy mos my Bóésemvríénd, want niemand kan nader as juis *Hý* wees nie!


Ek is van *géén* mens meer afhanklik vir my geluk nie, want *Ú* is my Bóésemvríénd, en waar Ú is, daar is vréde en rús. Wanneer ek moeg en afgemat is, dan gee U wéér vir my moed en krag en wanneer moedeloosheid dreig om oor te neem, is *Ú* die Een wat weer vir my hóóp en verwágting gee, *hóé* donker alles in my lewe ookal mag lyk!


Géén mens kan meer my gemoedstoestand beïnvloed nie, want met U *ín* my en ek in U, sing my siel van vroeg in die oggend tot laat in die nag!


U weet *presíés* wat ek nodig het – élke oomblik van elke dag – en verstaan my só goed. Dit sien ek met *Ú* boodskappe wat ek lees of wat iemand vir my sê, want dit is *Ú* Here wat deur hulle praat  of gedagtes in hul plaas, om tot my te bring. Boodskappe direk en op die man af van *Ú*!


In *álles* wat ek van nou af doen, en in áles wat my lewe aangaan, sal ek met *Ú* saamwerk. Ek sal die hande en die voete wees wat U nodig het hier rondom my, en *Ú* sal die wonderlike Léídsman wees wat ek begeer!


Dankie dierbare Here Jesus Christus hier binne-in my, hoe wonderlik die wete, my hemelse Boesemvriend wie my *nóóít* sal verlaat of sy rug op my sal draai nie!


~ Uit Daelikse Woord Verwerk ~


Jongman Vuurwarm vir JESUS / Facebook





 




Monday 3 October 2016

Al's is rustig in die hawe





Leon Ferreira (via Hester Richardson epos)


Al’s is rustig in die hawe
Net die wind wat liggies waai
Fluister saggies deur ons hare
En sê dan môre is om die draai
Met ons liefde is al’s in orde
As ons vanaand die seile vou
Maar die maan sak reeds na môre
En daar’s beloftes om te hou.
Ons rus vanaand eers hier
Maar ek hoor die diepsee roep
Terwyl ons droom
En ek weet dat teen die dagbreek
Die wind die seile sal toets op elke soom
Dis rustig oor die waters
En hier aan land beleef ons min gevaar
Want dis veilig in die hawe
Maar hoe lank is skepe daar
Kom ons volg ons hart se wense
Na ‘n ongevonde land
Hier om ons is daar geen grense
En die waarheid aan ons kant
Met doelgevulde seile
En met die sterre oor die oseaan
Vind ons rigting op Sy pyle
En seil ons hier vandaan.






Ek het 'n groot behoefte aan God





As jy nie gee nie mis jy uit op God se seëning





Die leed van hulle in nood





DIE DEUR






DIE  DEUR


Kyk, ek staan by die deur en Ek klop.  -  Openbaring 3:20


Wanneer ons nood op sy hóógste is, is die uitkoms naby, is die spreekwoord, want *dán* hoor ons die klop aan die deur  en wánneer ons die deur oopmaak ... Wié staan daar met oë *só* vol liéfde en arms *wáwýd* oop?  Ons éie Heer en Meester – Jesus Christus!  Ons hardloop *ín* daardie oop arms in, en wónder bo wonder!  ... die las waaraan ons *só* swaar gedra het, val *nét* daar van ons skouers af!!!


Met die deur nou *wáwyd* óóp, neem die gróótse diérbare Meester van *álle* tye sy intrek in ons hárt, en vandaar af neem Hý beheer oor in ons gedágtes en heers Hy oor ons *héle* menswees. 


Nóóit weer sal die deur van ons hart toe wees nie.  Nóóit sal die Lig wat ons daar laat binnevloei het verdof nie, néé – dit sal net al hoe *hélderder* word en ons omskep in *wáre* Ambassadeurs van God met die insig en begrip om oplossings te vind vir die probleme in ons land en ons wêreld – oplossings geskoei op *ménse-déérnis*, want *liéfde* woon mos nou in ons hart!


Gebed:  Kom *bínne*, Heer!  Kom binne om in ons hárt te *blý*!



~ Uit Daelikse Woord ~



Koningsdogters vir Jesus Bediening