'N KOSBARE PÊREL

 

’n Kosbare pêrel

deur Helena Hugo

Met die koninkryk van die hemel gaan dit soos met ’n handelaar wat op soek is na goeie pêrels. As hy ’n baie waardevolle pêrel raakloop, gaan verkoop hy alles wat hy het, en koop die pêrel.

– MATTEUS 13:45

Die hemel val nie sommer in jou skoot nie. Jy sal dit net kry as jy die goed waarmee jy besig is, neersit en agterlaat en daarna gaan soek. Op pad sal jy Jesus ontmoet en dan sal jy moet kies. Is jy bereid om soos die pêrelhandelaar alles op die spel te plaas?

Dis presies wat Jesus van jou verwag. Gee jou ou lewe weg – al daardie wêreldse begeerlikhede, die pret en plesier waaraan jy so gewoond is en waarsonder jy nie kan leef nie. Hou hulle teen die lig wat van Hom af uitstraal en bekyk hulle deeglik. Mag deurnagdobbel nou nog deel uitmaak van jou naweekroetine? Het jy jou broer vergewe? Waarvoor spaar jy jou geld? Kan dit nie beter gebruik word om een behoeftige student te borg nie?

As die begeerte jou oorweldig om alles te verkoop en jou by ’n sendingorganisasie aan te meld, doen dit. God het ’n taak vir elkeen van ons, Hy verwag nie van ons om alles te los en op ’n paal te gaan sit en wag vir die einde nie. Watter nut het ons dan vir Hom?

God wil nie hê ons moet ons van die lewe onttrek nie. Hy gee ons lewensvreugde in Jesus en maak ons kosbaar in sy diens. Maar maak jou los van jou vorige lewe en jou klatergoudbesittings. Moenie jou so aan jou goed en gewoontes verknog dat jy ’n hand vol misvormde pêreltjies bly vasklou, terwyl jy die volmaakte een kan kry nie.

Hemelvader, wys vir my wat ek moet doen met myself en my besittings om van nut te wees in u koninkryk.

Pêrels vir Jesus se Kroon / Facebook

 

GELOOF

 

GELOOF

Ek glo.  -  Mark. 9:24

Heer, my hart jubel van vreugde omdat U so náby aan my is - 'n Goddelike waarborg wat níémand van my af kan wegneem nie.  Ek glo in *Ú* lig só helder, in my, om my, oor my en onder my, en déúr my ook tot seën van my medemens.

Ek glo in U líéfde Heer, wat my hart vul met ómgee-liefde teenoor andere.  Ú liefde wat ons as Ligvriendekring saambind in 'n band van gebed - U liefde en lig wat wýsheid en ínsig bring vir my, vir ons land en wêreldleiers - wysheid en insig  wat só bitter nodig is in ons stúkkende wêreld vandag.

Ek glo Heer in U álmag - U wat die hémel én die aarde geskep het en *álles* wat daarin is, in Ú almag glo ek ook sover dit myself, my geliefdes én my mede volksgenote se toekoms aangaan.

Ek gló Heer, en ómdat ek glo, gaan ek sterk en vol moed voort in U *lig*, U *liefde* en U *krag*, en ek síén U lig helder skyn - 'n baan van lig waarvoor géén donker wolk staande kan bly nie - 'n baan van lig wat reik tot *bý* U Hemeltroon.

Ek glo, met my hele hart en siel in *Ú* Heer van my hart!

Gebed: Ek roem in U die álmagtig Skepper en Heerser van die hemel en die aarde.  Dánkie dat U vir ons veilig in die holte van *Ú*  Vaderhand vashou en koester.  Amen.

~ Uit Daelikse Woord ~

Koningsdogters- en Seuns vir Jesus / Facebook

 

JESUS EK VERGEWE OMDAT *Ú* MY VERGEWE HET.

 

JESUS  EK  VERGEWE  OMDAT  *Ú*  MY  VERGEWE  HET.

Geliefdes, ons moet mekaar liefhê.  -  1 Joh. 4:7

Daar is géén plek in my hart vir enige vorm van woede of nydigheid  nie, want Líéfde woon daar.  Híérdie Liefde reinig my van *álles* wat nie van die lig is nie, en vul my met die nódige omgee teenoor my medemens.  Dit laat *géén* plek vir énige vorm van duisternis nie, en géén haatdraendheid kan daar posvat nie, want ek vergewe nog *vóórdat* ek seerkry.

Ook dinge van die verléde word uitgewis, want my vergifnis en die Líéfde wat daarmee saam gaan, ken géén tyd of ruimte nie.  Skóóngewas in die liefde van my kósbare Heer, Jesus Christus, is ek *vrý*, en gaan ek met 'n hart vól liefde van dag tot heerlike dag voort op die weg wat ek inslaan - 'n weg wat tot seën is van my Heer én my naaste.

Ek draai my rug en stap weg van énigiets wat negatief is.  My antwoorde is áltyd sag en vól omgee.  In stilte seën ek díé mense wat my kritiseer en afbreek, en ek gló met my hele hart en siel in die rég en régverdigheid van God, die Álmagtige Vader.

Wat ánder se houding teenoor my óókal mag wees, ek *síén* vir Jésus Christus in hulle!

Gebed:  Liefde, regeer in my hart en ek vergewe deur *Ú* wat my krag gee.  Dánkie dierbare Jesus.  Amen.

~ Uit Daelikse Woord ~

Koningsdogters- en Seuns vir Jesus / Facebook

 

VÁNDAG BID EK VIR ANDER

 

VÁNDAG  BID  EK  VIR  ANDER

Bid vir ons.  -  2 Tess. 3:1

Dit is báie belangrik dat ons vir ander bid.  Maar *vóórdat* ons dit doen, moet ons eers sélf ons diepste heiligdom van krag, wáár Jesus woon, binne-gaan om daar gevúl te word met die nodige lig, liefde en krag, wat óns weer kan gebruik om *ánder* te seën.

Stralend in die lig van ons Hemelse Vader, dink ons aan ons geliefde fámilie en vríénde, en *óók* ons Christenvriende waar hulle ookal vir hulle mag bevind.  Ons seën hierdie kósbare mense in ons lewe, en síén hoe hul lewens in Gods volmáákte orde en harmonie ontvou.  Ons sien hulle stralend na géés, síél en liggáám.

Nou laat ons ons gedagtes vérder uitkring om ons *éie* gemeenskap in te sluit en *óók* ons land.  Ons sien hierdie lig *wyer-en-wyer* uitkring oor ons landsgrense heen, om *élke* mens wat saam met ons op hierdie aarde woon te *seën en te lei*.

Die  *LIG*  van God skyn *ín* ons en *óm* ons, tot seën vir élkeen vir wie ons bid.

Die  *LIEFDE*  van God vloei *ín* ons en *óm* ons,  en omvou élkeen vir wie ons bid.

Die  *KRAG*  van God werk *ín* ons en *óm* ons, en vul élkeen vir wie ons bid met núwe krag en moed.

Gebed:  Dánkie Hemelse Vader vir die gróót voorreg om vandag vir  *ÁL*  u kinders te kan bid.  In Jésus  lieflike Naam.  Amen

~ Uit Daelikse Woord ~

Koningsdogters- en Seuns vir Jesus / Facebook