Die Heiland is gebore
in stille Bethlehem,
by blye engelsange
voeg ek my hart en stem.
So lief het God die wêreld
gehad dat Hy sy Seun,
Sy Enige, gegee het
as Middelaar en Steun.
Kom na die krip so needrig,
daar lê die Kindjie teer,
Hy is die Spruit van Dawid,
Hy is ons liewe Heer.
O Hoor ons sing, Heer Jesus,
en neem ons loflied aan!
Dis nêrens vir ons beter
as aan U sy te staan.
No comments:
Post a Comment