SOEK GOD
O God, U is my God, U soek ek. - Ps.
63:2 (OV)
Hóé vol my lewe ookal mag wees, dit mag nog steeds vir
my voel asof daar íéts is wat kortkom.
Iets belángrik, wat ‘n groot gemis in my lewe veroorsaak. Dit mag dan tot gevolg hê dat ek
besluit om ‘n paar veranderinge in my lewe aan te bring. Maar díép in my hart wéét ek egter sonder énige
twyfel, dat géén veranderinge híérdie leemte in my sal versadig en vul nie,
want my verlange is éíntlik
na GÓD!
“Heer, Ú
is die antwoord op élke verlange waaronder ek gebuk mag gaan. Net Ú kan daardie leë plekkie díép
in my hart vul. Net Ú weet wat vir my die héélbeste is.
Net Ú kan die
ervaringe in my lewe laat kom wat sal lei tot my verdere geestelike groei en
ontwikkeling.
Heer van my hart, ek soek U in álles wat ek doen. Ek kyk terug na wat alles plaasgevind het in
my verlede en sien Ú hand van orde in álles wat my lewe aangaan. Soms voorsien U in ‘n behoefte nog lánk vóórdat ek selfs nog bewus was van so ‘n
behoefte in my lewe!
Ek sóék U Heer – ek soek Ú lig, Ú liefde en Ú krag in álles wat ek doen, in élke eis
wat aan my gestel word, en U ántwoord daarop.
Dánkie Heer, vir U lig só helder, U liefde só groot en U krag wat my stééds
aanmoedig om my héébeste te doen dwársdeur my lewe.”
Gebed: In álles wat ek doen, soek ek Góds seën.
~ Uit Daelikse Woord aangepas ~
✉ :
Koningsdogters vir Jesus Page @ Facebook ♡
♡†♡ Aan God die drie-enige, alleen die
eer! ♡†♡
Boodskappe
beskikbaar per epos – kontak my by:
poppieoosthuizen
@ gmail.com
No comments:
Post a Comment