Ek behoort aan U

Ek behoort aan U

Here, ek behoort aan U.  Met my hele hart soek ek U.  Wees genadig soos U beloof het.  -  Psalm 119:57-58

Here,

Laat u troue liefde my oordek.

Laat my tog altyd die waarheid praat,

want ek hoop op u bepalings.

Ek sal u gebooie gehoorsaam,

so lank as wat ek lewe.

Ek verlustig my in u gebooie

wat ek baie liefhet,

ek dink na oor u voorskrifte.

U beloftes laat my weer lewe,

dit vertroos my in al my ellendes.

U voorskrifte is vir my ‘n lied

tydens my lewe hier op aarde.

In die nag dink ek aan U en

gehoorsaam ek u gebooie.

Here, ek behoort aan U!

Ek soek U met my hele hart –

wees my genadig soos U beloof het.

Ek het my lewenspad oordink en teruggedraai

om volgens u voorwaardes te lewe.

Middernag staan ek op

om U vir u regverdige bepalings te dank.

Ek is ‘n vriend van almal wat U dien;

vir elkeen wat u bevele gehoorsaam.

Here, die aarde is vol van u trou;

leer my tog u voorskrifte!

Amen

Nina Smit : Vreugde in die môre

✉  :  Koningsdogters vir Jesus Page @ Facebook ♡

♡†♡ Aan God die drie-enige, alleen die eer! ♡†♡

Boodskappe beskikbaar per epos – kontak my by:

poppieoosthuizen @ gmail.com