Die skoonheid van God

Die skoonheid van God

Laat ons die goedheid van die Here ons God belewe:

hou die werk van ons hande in stand, ja, die werk van ons hande,

hou dit in stand.  -  Psalm 90:17

Vader,

Ek eer en aanbid U as die Skepper van alle skoonheid.

Ek weet dat U die liefde vir mooi dinge in my hart geplant het

en dat deur u genade ek tot hierdie skoonheid kan bydra.

Baie dankie vir die skoonheid wat U vir u kinders daarstel

om raak te sien, verwonderd oor te wees en te geniet.

Dankie dat U self skoonheid is en dat ek vandag kon ontdek

dat ek ‘n belangrike manifestasie van u skoonheid is.

U weet hoe min van u skoonheid nog in my lewe te sien is, Here.

Verander my asseblief en help my om van vandag af

nie net die skoonheid in die natuur en

die mense om my raak te sien nie

om dit nie net met my sintuie te omhels nie

maar om dit telkens opnuut te ontdek

om dit in myself te ontwikkel en uit te bou

sodat mense wat na my kyk

nie anders kan as om verwonderd te staan

voor die skoonheid van die Here wat ek aanbid nie.

Gee dat ek U al hoe liewer sal kry

omdat U my met u skoonheid vul.

Amen

Nina Smit : ‘n Vonk van God

✉  :  Dierbre Jesus @ Facebook ♡

♡†♡ Aan God die drie-enige, alleen die eer! ♡†♡

mamma333  @  gmail.com