Vader,
Hoe ongelooflik dat U luister en antwoord
wanneer klein mensekinders dit waag
om met ‘n almagtige God te kommunikeer;
dat U vir óns tyd maak –
alhoewel ons so min tyd vir U oorhet;
dat U boonop ongeduldig wag
om ons genadig te wees.
Ek bid dat U dit vir my elke dag
moontlik sal maak om u stem
duidelik met my te hoor praat.
Help my om absoluut gehoorsaam te wees
aan daardie stem
deur dié dinge
te doen
wat U in u Woord van my vra.
Ek kom bid ook dat U my sal help
om U te verheerlik met alles
wat ek doen, sê en skryf,
sodat my hele lewe ‘n helder antwoord
op u Woord sal wees.
Amen
Nina Smit
: Elke dag ‘n vreugdepad
✉
: Dierbre Jesus @ Facebook ♡
♡†♡ Aan God die drie-enige, alleen die eer! ♡†♡
poppieoosthuizen @
gmail.com
No comments:
Post a Comment