Vir wakkerlêtye

Vir wakkerlêtye

Ek sal in vrede gaan lê en slaap, want U alleen, o Here, laat my veilig woon.  -  Ps. 4:9

Hemelse Vader,

Sal U my asseblief antwoord

wanneer ek na U roep om hulp?

Staan my tog by in my verknorsing,

hoor my gebed en wees my genadig.

Ek is ontsteld, Here, en sukkel om te slaap

omdat mense my vals beskuldig

en leuens oor my vertel.

Dankie dat U altyd bereid is om na my te luister,

dat U antwoord wanneer ek na U roep.

Maak my asseblief weer rustig digby U,

gee vir my oplossings vir my baie probleme

en help my om vas op U te bly vertrou.

Laat u glimlag weer oor my skyn, Here.

U het vir my meer vreugde laat beleef

as mense wat graan en wyn in oorvloed het.

Ek wil nou in vrede gaan lê

en dadelik aan die slaap raak,

want dit is net U wat vir my rus kan gee

en my veilig kan laat woon.

Amen

Nina Sit  :  Vreugde in die môre

✉  :  Dierbre Jesus @ Facebook ♡

♡†♡ Aan God die drie-enige, alleen die eer! ♡†♡

mamma333  @  gmail.com